不時有讀者來信提到好有興趣移居瑞典，向我哋查問喺瑞典生活、就業、置業等詳細資訊。呢個天堂嘅國度，同時亦相當神秘。
雖然我哋定居此地多年，但亦難以透過三言兩語，短短幾個訊息回覆俾到你哋一個透徹嘅了解。今次 HK01 嘅瑞典專題報導，相信就可以為有計劃到瑞典生活嘅讀者們解謎。
一系列報導從多角度切入，解構瑞典福利主義社會。製作團隊非常用心，出發前做咗唔少準備，亦走訪不同階層人士，家庭同政府機關，踏實地了解瑞典社會。
阿伯同我好開心可以參與其中，向 HK01 分享我哋喺呢度嘅生活點滴。遲啲會有更詳細嘅影片分享我地嘅故事，到時再繼續 update 各位。 Stay tuned！
#01周報 #北歐模式 #福利主義 #社福制度 #育兒福利 #住屋 #國際專題 #香港01
Search